Qatar Total Open. Dunyoning birinchi raketkasi g'alaba bilan boshladi

Sayyoramizning birinchi raqamli tennis malikasi Eshli Barti musobaqaning ikkinchi davrasida reytingning 68-pog'onasidan joy olgan germaniyalik Laura Zigemunddan ustun keldi - 6/3, 6/2. Uchrashuv 73 daqiqa davom etgan. Bu vaqt oralig'ida 23 yoshli Barti 4 ta eys zarbasini amalga oshirgan.

Bu tennischilarning o'zaro o'tkazgan ilk rasmiy uchrashuvi edi. Endi Eshli Qatar Total Open turnirining 1/8 finalida belgiyalik Alison van Uytvank yoki qozog'istonlik Elena Ribakinaga qarshi kortga chiqadi.