Qilichbozlarimiz ishonchni oqlashga vada berishdi

Hozirda hech bir vakilimiz bu marraga etib bora olishmagani uchun barcha umidimiz Osiyo miqyosida o'tadigan licenzion turnirga bog'liq. Reglamentga ko'ra, ushbu musobaqada faqat g'oliblar Tokio-2020 yo'llanmasi bo'lishadi. Demak, vazifa murakkab. SHu bois barchadan o'z ishiga katta masuliyat bilan yondashish talab etiladi. Sablya bo'yicha terma jamoamiz murabbiyi, 3 karra Olimpiya o'yinlari chempioni Vladimir Nazlimov takidlaganidek, sportchilar buni yurak va aql-idroklari bilan his qilishlari lozim. Aks holda qilinayotgan ishlarning bari befoyda.      

Kecha kunning ikkinchi yarmida MOQ ishchi guruhi O'zbekiston qilichbozlik federaciyasi mutasaddilari va sportchilarimiz bilan uchrashdi. Mamlakat dzyudo federaciyasi binosida o'tgan ushbu tadbirda MOQ hamda O'zbekiston qilichbozlik federaciyasi raisi Rustam SHoabdurahmonov, uning o'rinbosari SHerzod Tashmatov, shuningdek, O'zbekiston qilichbozlik federaciyasi rahbariyati, sportchi va murabbiylar ishtirok etishdi.

R. SHoabdurahmonov sportchi va murabbiylar bilan suhbatlashar ekan, ushbu sport turi asli o'zbekistonlik taniqli ishbilarmon, Xalqaro qilichbozlik federaciyasi prezidenti Alisher Usmonov tomonidan qo'llab-quvvatlanayotgani va buning natijasida bugungi kunda butun dunyoda keng ommalashayotgani, o'z navbatida, hukumatimiz tomonidan ham sportni har tomonlama rivojlantirishga alohida etibor qaratilayotgani haqida to'xtalib o'tdi.

Ayni paytda qilichbozlik bo'yicha terma jamoamizda 3 nafar xorijlik murabbiy faoliyat olib bormoqda. Ular orasida jahon sporti afsonalaridan biri, uch karra Olimpiya o'yinlari, o'n karra jahon chempioni Vladimir Nazlimovni alohida etirof etish o'rinli bo'ladi. Tan olish lozim, Vladimir Aliverovich boshchiligida qilichbozlarimiz sablya yo'nalishida kun sayin mahoratlarini oshirib, xalqaro maydonda toblanib borishmoqda. Tajribali mutaxassis eng avvalo sportchilarimizda o'zlariga bo'lgan ishonchni mustahkamlay oldi. Ularda vatanga bo'lgan muhabbatni shakllantirish bilan birga, oldinga qo'yilgan maqsad sari dadil odimlashni o'rgatdi.

O'tkazilayotgan yig'inlar esa birinchi navbatda kelasi yili kutib turgan licenzion musobaqaga sportchilarimizni puxta tayyorlash, yig'inlarga yoshlar jamoasi vakillarini jalb qilib, ularning mahoratini oshirish, qolaversa, Xanchjou-2022 Osiyo o'yinlari va Parij-2024 yozgi Olimpiya o'yinlariga kuchli selekcion siyosatni yuritish kabi maqsadlarda tashkil qilingan. O'quv-mashg'ulot yig'inida 100 nafarga yaqin sportchi ishtirok etmoqda.

O'z navbatida, uchrashuv yakunida qilichbozlarimiz yaratib berilayotgan sharoitlar uchun minnatdorchilik bildirib, oldinda turgan yirik musobaqalarda bildirilayotgan ishonchni oqlashga, Olimpiada licenziyalarini qo'lga kiritishga vada berishdi.