Qilichbozlarimizdan Osiyo chempionatidagi yana bir medal!

Bugun qizlar o'rtasida qilich (sablya) yo'nalishi janglarida hamyurtlarimiz chorak finalda Osiyoning kuchli terma jamoalaridan biri hisoblangan Yaponiya terma jamoasini 45:43 hisobida mag'lubiyatga uchratib, yarim final yo'llanmasini qo'lga kiritdilar. SHuni alohida qayd etib o'tish lozimki, hisob 38:40 ko'rinishida raqiblar foydasiga hal bo'layotgan bir vaqtda Zaynab Dayibekova o'z jangida 7:3 hisobida g'alaba qozona oldi va jamoaga g'alaba keltirdi.

Final yo'llanmasi uchun kechgan jangda qizlarimiz Janubiy Koreya terma jamoasiga 23:45 hisobida imkoniyatni boy berdilar va yakunda qizlarimiz Osiyo chempionatining bronza medallarini qo'lga kiritdilar.

Malumot uchun, Osiyo chempionatida qilich (sablya) yo'nalishi bo'yicha terma jamoamiz sharafini quyidagi sportchilarimiz himoya qildilar:

Zaynab Dayibekova (Qoraqalpog'iston Respublikasi, Nukus Olimpiya zaxiralari kolleji o'quvchisi)

Sevinch Ismoilova (Toshkent shahri rassomchilik kolleji o'quvchisi)

SHaxnoza Tog'aymurodova (Toshkent shahri 300-sonli maktab o'quvchisi)

Sevila Xudoyberganova (CHirchiq Olimpiya zaxiralari kolleji o'quvchisi).

Eslatib o'tamiz, kecha yigitlarimiz kadetlar o'rtasidagi janglarda kumush medalni qo'lga kiritgandilar.