Qorabayir otlari Qarshidan Toshkentgacha bo'lgan masofani bosib o'tdi + FOTO

Jami 10 ta tulpordan iborat otlar karvoni qariyb bir hafta davomida 436 km masofani bosib o'tishdi.

Xalqimiz azaldan otlarni ezozlaydi. Bejiz «ot yigitning qanoti» deyishmagan ulug'lar. SHuningdek, o'g'il bolani sunnat to'yida tulpor sovg'a qilinishi zamirida ham chuqur mano mujassam. Ayniqsa, qadimdan dovrug'i doston bo'lgan qorabayir zotli otlarga dunyo ahli tomonidan qiziqish yuqori bo'lgan.

Ammo, mustabid tuzum davrida xalqimizning milliy g'ururi bo'lgan otlarga bo'lgan etibor susaydi, toza naslli qorabayir zotiga mansub tulporlar esa kamayib ketdi.

SHukrki, muhtaram yurtboshimiz SHavkat Mirziyoevning bevosita rahnamoligida yurtimizda yilqichilikni rivojlantirish, ayniqsa, qorabayir zotiga mansub toza naslli otlarni ko'paytirishga alohida etibor qaratilmoqda.

G'ururlansak arziydigan bir jihat, Vatani O'zbekiston bo'lgan qorabayir zoti jahon ot selekciyasining oltin fondiga kiritilgan. SHaxsan davlatimiz rahbarining tashabbuslari bilan uning genofondini saqlab qolish, naslchiligini tiklash va rivojlantirish borasida keng ko'lamli ishlar amalga oshirilmoqda.

 Qashqadaryo viloyati Yakkabog' tumanida tashkil etilgan «Qorabayir otchilik majmuasi» esa qorabayir zotli otlarni ko'paytirish va naslchilikni rivojlantirishga xizmat qilmoqda. Majmuada 200tagacha yilqi boqilib, uchqur tulporlar etkazib berish borasida amaliy harakatlar boshlab yuborilgan. Bularning barchasi yilqichiligimiz dovrug'ini dunyoga yoyish, o'zbek chavandozlarining jahon arenalarida yuqori o'rinlarni qo'lga kiritishiga keng yo'l ochib berishiga shubha yo'q.

O'zbekiston Respublikasi Konstituciyasi qabul qilinganligining 28 yilligi munosabati bilan tashkil etilgan marafonda o'n boshdan iborat qorabayir zotli otlar o'z chavandozlari bilan birgalikda Qashqadaryodan Toshkentga qadar bo'lgan 436 kilometrlik masofani bosib o'tishdi.

Marafonning so'nggi manzili etib poytaxtimizdagi Amir Temur xiyoboni belgilangan edi. Bu erda chavandozlarimiz va tulporlarni keng jamoatchilik katta tantana bilan oldi.

SHuni alohida takidlash kerak, ushbu marafon orqali qorabayir zotli tulporlar naqadar chidamli va har qanday iqlim sharoitiga moslashuvchan ekanligini dunyoga ko'z-ko'z qildik. Galdagi vazifa – bu otlarni sport musobaqalarida ham benazir ekanligini isbotlash va milliy g'ururimiz bo'lgan qorabayir otlariga qiziqishni oshirishdan iborat.