Qo'shrabotdagi shaxmat musobaqasiga jahon chempioni tashrif buyurdi

“Nuroniy”ʼ jamg'armasi tuman bo'limi va O'zbekiston yoshlar ittifoqi tuman kengashi 14 yoshdan 60 yoshgacha bo'lgan havaskor shaxmatchilar o'rtasida musobaqa tashkil etishga qaror qildi va bu tashabbus tuman ahli tomonidan qo'llab-quvvatlandi.

Musobaqaga ota-bobolari qo'shrabotlik bo'lgan, tomirida shu elning baxshi shoirlari va polvonlari qoni oqayotgan shaxmat bo'yicha jahon chempioni Javohir Sindorov ham taklif etildi.

Bugun jahon tan olgan yosh grossmeysterni bolaligidan shaxmat olamiga olib kirgan, uni yuksak g'alaba va marralar sari ilhomlantirgan bobosi – Komil Sindorov hamrohligida ota yurtiga kelgan Javohir qo'shrabotlik yoshlarga o'z yutuqlari siri haqida gapirib berdi, ular uchun mahorat mashg'ulotlari o'tdi.

SHuningdek, jahon chempioni bir vaqtning o'zida o'ndan ortiq ishtirokchi bilan dona surdi.

Musobaqa g'oliblari tashkilotchilar tomonidan munosib taqdirlandi.