Qosimjonovda yana durang, besh nafar shaxmatchi peshqadam

Kecha kunning ikkinchi yarmida musobaqaning beshinchi  tur uchrashuvlari o'tkazildi. Turnirda birinchi raqam ostida saralangan Rustam Qosimjonov ushbu turda qora donalarda harakat qildi. 17-jahon chempioni qozog'istonlik Rinat Jumaboev bilan durangga imzo chekdi. 

Bu tur oldidan yakka peshqadam bo'lib turgan shaxmatchimiz Ortiq Nig'matov yosh grossmeysterimiz Nodirbek Abdusattorovga imkoniyatni boy berdi. Yana bir grossmeysterimiz Jahongir Vohidov qozog'istonlik xalqaro grossmeyster Anuar Ismagambetovga yutqazib qo'ydi. 

Yosh grossmeysterimiz Javohir Sindarov qora donalarda o'ynab, tojikistonlik Muhammad Xusanxo'jaevga imkoniyatni boy berdi. Bugun 6-turda Rustam Qosimjonov oq donalarda Nodirbek Abdusattorovga qarshi bahs olib boradi. Ortiq Nig'matov esa Anuar Ismagambetov bilan hisob-kitob qiladi.

Bugungi partiyalar oldidan Rinat Jumaboev, Rustam Qosimjonov, Ortiq Nig'matov, Nodirbek Abdusattorov va Anuar Ismagambetov 3,5tadan ochko jamg'arib, peshqadamlik qilishyapti. Qo'shimcha ko'rsatkichlarga ko'ra Jumaboev birinchi o'rinni egallab turibdi.