Qozog'iston Kubogi guruh bosqichiga qura tashlandi. "Humo" qaysi jamoalar bilan o'ynaydi?

Bu yilgi mavsumda 11 jamoa ikki guruhga bo'lingan holda g'oliblik uchun kurashadi.

Xabar berganimizdek, ushbu musobaqada Toshkentning "Humo" klubi ham ishtirok etadi. Jamoamiz qura natijasiga ko'ra "V" guruhidan o'rin oldi. "Qanotlilar"ga guruhda "Sariarka", "Arlan", "Gornyak" va "Irtish" jamoalari raqiblik qiladi.

Guruhlarda birinchi va ikkinchi o'rinni qo'lga kiritgan jamoalar 1/2 finalga yo'l oladi.

"A" guruhida Pro Hockey Ligasy chempioni "Nomad", shuningdek, "Beybaris", "Aktobe", "Kulager", "Almati" hamda "Torpedo" jamoalari g'oliblik uchun kurashadi.

"Humo" guruh bosqichidagi ilk o'yinini 23 avgust kuni "Irtish" jamoasiga qarshi o'tkazadi. "Qanotlilar" o'rin olgan "V" guruhi uchrashuvlari Kokshetau shahrida bo'lib o'tadi.

"Humo" jamoasining guruh bosqichidagi o'yinlari taqvimi:

23 avgust

14:30 "Irtish" - "Humo"

25 avgust

14:30 "Humo" - "Gornyak"

27 avgust

13:00 "Humo" - "Sariarka"

28 avgust

18:00 "Arlan" - "Humo"

30 avgust

Yarim final o'yinlari

13:00 B1 - A2

16:30 B2 - A1

31 avgust

Final

18:00.