02 dek 10:57
Yangiliklar

Tennis

Qozog'istonni qiyinchilik bilan yutgan Serbiya Devis Kubogi 1/2 finalida

Tennis bo'yicha erkaklar terma jamoalari o'rtasidagi norasmiy jahon chempionati hisoblangan Devis Kubogida yana bir yarim finalchining nomi malum bo'ldi.

Tarkibida dunyoning birinchi raketkasi Novak Jokovich bo'lgan Serbiya terma jamoasi Qozog'istonni qiyinchilik bilan 2:1 hisobida mag'lubiyatga uchratdi.

Dramatik kechgan birinchi uchrashuvda Mixail Kukushkin Miomir Kecmanovichni 6:7 (7), 6:4, 7:6 (13) hisobida mag'lub etdi. Ikkinchi qarama-qarshilikda Jokovich Aleksandr Bublikni 6:3, 6:4 hisobida engib, muvozanatni tikladi.

Juftliklar o'rtasidagi hal qiluvchi uchrashuvda esa Jokovich va Nikola CHachich hamkorligi Andrey Golubev hamda Aleksandr Nedovesov tandemini 6:2, 2:6, 6:3 hisobida taslim etdi.

Serbiya 1/2 finalda Xorvatiya terma jamoasiga qarshi bahs olib boradi. Yarim final uchrashuvlari Ispaniya poytaxti Madrid shahrida o'tkaziladi.