09 iyu 14:14
Yangiliklar
Engil atletika
Radzivil va Dusanova Greciyada shoxsupaga ko'tarilishdi
Greciyaning Afina shahrida engil atletika bo'yicha “Filothei Women Gala-2016” xalqaro musobaqasi o'z yakuniga etdi.
Quvonarlisi, unda ishtirok etgan ikki nafar vakillarimiz shohsupaga ko'tarildilar.
Jumladan, balandlikka sakrash sektorida Svetlana Radzivil 1,95 metr natija qayd etdi. Uning bu natijasini takrorlash turnirda ishtirok etgan biror sportchiga nasib etmadi. Mazkur musobaqada kumush medal bilan taqdirlangan yana bir hamyurtimiz Nadiya Dusanova esa 1,93 metr balandlikni zabt etdi.
Eslatib o'tamiz, har ikki sportchimiz uchun “Rio-2016” o'yinlari faoliyatlaridagi uchinchi Olimpiya o'yinlari hisoblanadi. Bunga qadar ular 2008 yili Pekin (Xitoy) va 2012 yili London (Buyuk Britaniya)da bo'lib o'tgan Olimpiada o'yinlarida Vatanimiz sharafini himoya qilishgan.
O'zbekiston Milliy Olimpiya qo'mitasi matbuot xizmati
Havola :
Manba : olamsport.com
Fikrlar