Rafalovich va Sodiqova jahon chempionati sovrindorlari

Nufuzli musobaqaning ikkinchi kuni O'zbekiston terma jamoasi uchun omadli keldi. Hamyurtlarimizdan ikki nafari jahon chempionatining bronza medaliga sazovor bo'ldi. Nikita Rafalovich va Feruza Sodiqova o'z vazn toifalarida shohsupaga ko'tarilishdi. 

Har ikki vakilimiz yarim finalga qadar mag'lubiyatsiz etib borishdi. -87 kg vazn toifasida dayanga chiqqan Nikita Rafalovich final chiptasi uchun asli kelib chiqishi eronlik, hozirda Serbiya sharafini himoya qilayotgan Mehdi Hodabaxshiga, -62 kg vazndagi Feruza Sodiqova esa greciyalik Teopoula Sarvanakiga imkoniyatni boy berib qo'ydi.