18 sen 08:10
Yangiliklar

Tennis

Raonich Rim "Masters"dagi ishtirokini yakunladi

Italiyaning Rim shahrida tennis bo'yicha "Masters" seriyasiga kiruvchi nufuzli turnir bo'lib o'tmoqda.

Biroz kutilmaganda dunyoning 19-raketkasi Milosh Raonich ikkinchi davrada mag'lubiyat alamini totib ko'rdi. Kanadalik tennischi 2 soatu 32 daqiqa davom etgan bahsda reytingning 25-pog'onasidan joy olgan serbiyalik Dushan Layovichga yutqazib qo'ydi - 6/7(3), 6/4, 2/6.

Har ikki tennischi ham uchrashuv davomida 8 tadan eys zarbasini amalga oshirishdi. Bu ularning o'zaro o'tkazgan ikkinchi uchrashuvi edi - 1:1. Endi Dushan Internazionali BNL D'Italia turnirining uchinchi bosqichida dunyoning ikkinchi raketkasi, ispaniyalik Rafael Nadalga qarshi kortga chiqadi.