Rapirachi qilichbozlarimiz Belorussiyada Eng kuchlilar ochiq turnirida g'olib bo'lishdi

Ushbu xalqaro yig'inda terma jamoamiz azolarining ishtirokini taminlash sportchilarimizning oldindagi licenziya taqdim etuvchi turnirlarga, o'smirlar o'rtasidagi Jahon chempionati hamda Olimpiya o'yinlari -2021 ga puxta tayyorgarlik ko'rishga qaratilganligini takidlash o'rinli.

Quvonarlisi, mazkur o'quv-mashg'ulot yig'inining boshida O'zbekiston terma jamoasi vakillari rapira yo'nalishida Belorussiyada eng Kuchlilarning ochiq turnirida qatnashdi va u erda yaxshi natija ko'rsatishdi. 

Qizg'in musobaqalar davomida ayollar o'rtasida finalda g'olib chiqqan Umida Ilyosova belaruslik raqibi Lazareva-Skranjskaya Yanani engib,  1-o'rinni egalladi.  Hisob 15:11.

Erkaklar o'rtasida kechgan bahslar final bosqichida qilichbozimiz Solixoziev Axmadulloxon Belorusiya qilichbozi Bilaev Romanga 15:14 hisobida yutqazdi va 2-o'rinni egalladi.

Belorussiyadagi xalqaro yig'indan keyin bizning rapirachilar jamoasi Ukrainada 16-25 mart kunlari mashg'ulotlarni davom ettiradi. Mazkur xalqaro o'quv mashg'ulot yig'nlarida Ruminiya, shuningdek, Ukraina, AQSH terma jamoalari ham ishtirok etadi.

Qilichbozlarimizni xalqaro o'quv-mashg'ulot yig'inining muvaffaqiyatli boshlanishi bilan tabriklaymiz hamda ularga omad va bo'lajak muhim startlarga zo'r tayyorgarlik ko'rishlarini tilaymiz!

O'zbekiston qilichbozlik federaciyasi matbuot xizmati