Rasman: "Humo" jamoasining pley-offdagi raqibi va o'yin sanasi malum bo'ldi

Qozog'iston Pro-Ligasida ishtirok etib kelayotgan Toshkentning "Humo" xokkey klubi "Nomad" jamoasi ustidan g'alaba qozonganidan so'ng 2-o'rinni rasmiylashtirdi va pley-off masalasini muddatidan avval hal qilib ulgurdi.

CHempionatni 2-o'rinda yakunlagan jamoamizga pley-offda ettinchi o'rinni band etgan "Gornyak" jamoasi raqiblik qiladi. Mazkur jamoaga qarshi o'yinlar 16-17 fevral kunlari Toshkentdagi "Humo Arena"da o'tkaziladi.