08 noy 11:44
Yangiliklar

Boks/MMA

Rasman! O'zbekistonlik bokschi Rayan Garsiyaning sobiq raqibi bilan jang qiladi + POSTER

16 noyabr kuni Saudiya Arabistonining Ar-Riyod shahrida professional boks bo'yicha Riyadh Season mavsumining navbatdagi oqshomi o'tkaziladi.

Avval xabar berganimizdek, ushbu turnir doirasida birinchi yarimo'rta vazn toifasida WBA kamari uchun ikki karra sobiq davogar Botir Ahmedov ham ringga ko'tariladi.

Unga WBA reytingida 9-o'rinni egallab turgan amerikalik Oskar Duarte raqiblik qiladi. Duarte 2023 yil dekabr oyida taniqli bokschi Rayan Garsiyaga qarshi jang qilib, mag'lub bo'lgandi. Keyin esa aprel oyida Jozef Dias ustidan g'alaba qozondi.

Qayd etish joiz, Botir Ahmedov mazkur jangga 10 kun qolganida zaxira varianti sifatida rozilik berdi. U WBA reytingida ikkinchi o'rindagi Kennet Simmsning o'rniga ringga chiqadi.