13 okt 15:17
Yangiliklar
Futbol
Rasman: Terri Anri - "Monako" bosh murabbiyi
"Monako" klubi rasmiy sayti Terri Anri jamoa bosh murabbiyi etib tayinlanganini elon qildi.
41 yoshli francuz monegasklar bilan 2021 yilning iyuniga qadar shartnoma imzoladi. U yangi ish joyidagi faoliyatini dushanba, 15 oktyabrdan boshlaydi.
Anriga "Monako"da "Benfika" yoshlar jamoasi ustozi Joau Karlush Valadu Tralyanu va "Arsenal" akademiyasi murabbiyi Patrik Kvame Ampadu yordam beradi.
Terri shu kunga qadar Belgiya terma jamoasida Roberto Martinesga yordam berib kelayotgan edi.
Eslatib o'tamiz, 1998 yilgi Jahon chempioni professional futbolchilik faoliyatini aynan "Monako"da boshlagan. U 1993 yildan 1999 yilgacha jamoada 141ta o'yin o'tkazgan va 28ta gol urgan. Oradan 19 yil o'tib u jonajon klubiga bosh murabbiy sifatida qaytdi.
Havola :
Manba : championat.asia
Fikrlar