Ravshan Dastirov Tataristonning faxriy nishoni bilan taqdirlandi

Qozon shahridagi "Ak Bars" sport majmuasida o'tayotgan xalqaro turnirda Farg'ona viloyati Yoshlar siyosati va sport bosh boshqarmasi boshlig'i o'rinbosari Rizobek Masharipov, Farg'ona viloyati belbog'li kurash federaciyasi ijrochi direktori Miranshoh Ro'ziev boshchiligidagi Farg'ona viloyati terma jamoasidan iborat polvonlar ham to'liq tarkib bilan ishtirok etishyapti.

Mazkur xalqaro turnir doirasida xalqaro belbog'li kurash federaciyasi (IBWA)ning navbatdagi kongressi ham o'tkazildi. Etiborlisi, ushbu kongressda ishtirok etgan Xalqaro belbog'li kurash federaciyasi (IBWA) vice-prezidenti, O'zbekiston belbog'li kurash federaciyasi raisi Ravshan Dastirov bir ovozdan yana to'rt yil muddatga xalqaro federaciyaga vice-prezident etib saylandi. 

SHuningdek, R. Dastirov Tatariston Respublikasi sport vazirining tegishli buyrug'iga asosan ushbu vazirlikning eng oliy mukofoti - "Tatariston Respublikasi jismoniy tarbiya va sportini rivojlantirishga qo'shgan hissasi uchun" faxriy nishoni bilan ham taqdirlandi. 

Bundan tashqari, Tatariston Respublikasi sport vazirligi hamda Farg'ona viloyati yoshlar siyosati va sport bosh boshqarmasi o'rtasida jismoniy tarbiya va sportni yanada rivojlantirish borasida o'zaro memorandum ham imzolandi. 

Xalqaro turnir 6 noyabrga qadar davom etadi. 

Ilhom RAHMONOV tayyorladi