Regbi: Farg'onada O'zbekiston chempionatining 2-turi start oldi

Regbi sport turini respublika bo'ylab ommalashtirish maqsadida O'zbekiston regbi federaciyasi rahbariyati regbi-7 bo'yicha O'zbekiston chempionatining 2- tur o'yinlarini Farg'ona Davlat Universitetining stadionida 2020 yil 13-15 noyabr kunlari o'tkazishga qaror qilgan edi.

Bugun Farg'ona viloyatida sportning regbi turidan O'zbekiston chempionati 2-tur bosqichi musobaqasining ochilish marosimi bo'lib o'tdi.

Mazkur nufuzli sport musobaqasini ochilish marosimiga viloyat hokimi o'rinbosari F.Qosimov hamda Osiyo regbini rivojlantirish vakili Janubiy Afrikalik Bend Jamin Van Roy va Markaziy Osiyo regbi federaciyasi vice-prezidenti Anatoliy SHirollar ishtirok etib, barcha sportchilarga omad tiladi.

Ushbu musobaqaga respublikamizning barcha hududlaridan 20 ta jamoalar va klublardan jami 400 nafar sportchilar ishtirok etib, shulardan 100 nafarini qizlar tashkil etmoqda.