11 apr 11:58
Yangiliklar
Tennis
Reylli Opelka Jon Iznerni mag'lub etib, Xyuston turniri g'olibiga aylandi
AQSHning Xyuston shahri mezbonlik qilgan erkaklar o'rtasidagi ATP tasnifiga kiruvchi turnir yakunlandi.
Finalda jahonning 18-raketkasi, amerikalik Reylli Opelka va ATR reytingida 27-o'rinni egallab turgan hamyurti Jon Izner bahs olib borishdi.
1 soatu 49 daqiqa davom etgan uchrashuvda Opelka Iznerni 6/3, 7/6 hisobida mag'lub etib, turnir chempioniga aylandi. Ushbu vaqt davomida 24 yoshli Opelka o'nta eys zarbasini amalga oshirdi, to'pni o'yinga kiritishda xatoga yo'l qo'ymadi va bitta breyk qayd etdi. 36 yoshli Izner esa sakkiz marta eys amalga oshirib, ikkita qo'sh xatoga yo'l qo'ydi. Sportchilarning o'zaro uchrashuvlarida hisob Reylli foydasiga 5:1 ko'rinishiga keldi.
Xyustondagi g'alaba uchun Opelka 250 reyting ochkosi va 90 495 dollar mukofot puliga ega bo'ldi.
Havola :
Manba : gotennis.ru
Fikrlar