Reyting turniri. Islomjon Bahromov va Rustam Assakalov 1/2, Baxshilloev 1/4 finalda

Ayni daqiqalarda yunon-rum kurashi bo'yicha bellashuvlar bo'lib o'tmoqda. 63 kg vazn toifasida yurtimiz sharafini himoya qilayotgan Islomjon Bahromov yarim final yo'llanmasini qo'lga kiritdi. Bahromov 1/8 finalda ozarbayjonlik Taleh Mammadovni 8-2, 1/4 finalda esa turkiyalik Rahmon Bilichini 9-6 hisobida mag'lubiyatga uchratdi. Uning final chiptasi uchun kechadigan bahsdagi raqibi qirg'izistonlik Dastan Kadirov bo'ladi. 

67 kg vazndagi kurashchimiz Mahmud Baxshilloev nimchorak finalda mezbonlar vakili Furkan Sonkurdan 8-1 hisobida ustun keldi. Birozdan so'ng buxorolik polvonimiz yana bir turkiyalik kurashchi Volkan CHakilga qarshi gilamga chiqadi. 

Terma jamoamizning eng tajribali kurashchisi Rustam Assakalov avvaliga italiyalik Nikoloz Kaxelashvilini engdi. Nimchorak finalda turkiyalik Abdul Kadirni 8-0, 1/4 finalda esa litvalik Vilius Laurnaytisni 5-3 hisobida mag'lubiyatga uchratdi. 

Afsuski, 97 kg vazndagi ikkinchi kurashchimiz Abrorbek Nurmuhammedov noregiyalik Feliks Baldaufga 0-8 hisobida yutqazib qo'ydi. Uch Olimpiada ishtirokchisi Mo'minjon Abdullaev chorak finalda turkiyalik Osman Yildirimga, 87 kg vazndagi kurashchilarimiz Jalgasbay Berdimuratov va Nurbek Hoshimbekov, 60 vazndagi Feruz To'xtaevlar ilk davradayoq raqiblarini imkoniyatni boy berib qo'yishdi.