01 iyu 09:32
Yangiliklar

Tennis

"Rolan Garros". 18 yoshli Kori Goff 1/2 finalda!

Dunyoning 23-raketkasi Kori Goff "Katta Dubulg'a" turkumiga kiruvchi "Rolan Garros" turniri yarim finalchisiga aylandi.

Amerikalik 18 yoshli iqtidor egasi chorak final uchrashuvida WTA reytingining 64-pog'onasidan joy olib turgan vatandoshi Sloan Stivensni mag'lubiyatga uchratdi - 7/5, 6/2.

Bir soatu 33 daqiqa davom etgan bahsda Kori 3 ta eys, 6 ta breykni amalga oshirdi. Tennischilarning o'zaro uchrashuvlaridagi hisob tenglashdi - 1:1. Endi Goff yarim finalda italiyalik Martina Trevizanga qarshi kortga chiqadi.