"Rolan Garros". Andrey Rublyov osiyolik tennischini mag'lub etdi

Rossiyalik tennischi ilk davra uchrashuvida reytingning 71-pog'onasidan joy olgan koreyalik Sun-Vu Kvonni to'rt set natijasiga ko'ra taslim etdi - 6/7(5), 6/3, 6/2/, 6/4.

Ikki soatu 56 daqiqa davom etgan bahsda Rublyov 15 ta eys zarbasini ijro etdi. Koreyalik tennischida bu ko'rsatkich nol ko'rinishida bo'ldi. Tennischilarning o'zaro uchrashuvlaridagi hisob yiriklashdi - 3:0. 

Endi Andrey "Rolan Garros" ikkinchi davrasida argentinalik Federiko Delbonisga qarshi kortga chiqadi. Federiko birinchi bosqichda franciyalik Adrian Mannarinoni 6/1, 7/6(1), 6/2 hisobida engdi.