"Rolan Garros". Ayollar o'rtasidagi final uchrashuvi bo'lib o'tdi

Hal qiluvchi final uchrashuvida sayyoramizning birinchi raqamli tennis malikasi, polshalik Iga Svyontek WTA reytingida 23-o'rinni egallab turgan amerikalik 18 yoshli Kori Goffga qarshi kortga chiqdi. Etmish daqiqa davom etgan bahsda Iga ortiqcha qiyinchiliksiz raqibasini mag'lubiyatga uchratdi  - 6/1, 6/3.

Iga bu vaqt davomida 1 ta eys, 5 ta breykni amalga oshirib, bironta ham qo'shxatoga yo'l qo'ymadi. Kori esa 2 ta eys, 1 ta breyk-poynt, 3 ta qo'shxato qayd etdi. Tennischilarning o'zaro uchrashuvlarida Svyontek oldinda bormoqda - 3:0. 

Iga Svyontek ikki karra "Rolan Garros" turniri g'olibasiga aylandi. Franciya Ochiq chempionatidagi muvaffaqiyatli ishtirok polshalik tennis malikasiga 2000 reyting ochkosi hamda €2,200,000 mukofot puli keltirdi. Goff esa ikki haftalik mehnatidan 1300 ochko va €1,100,000 mukofot puli ishlab oldi.