14 iyu 09:36
Yangiliklar

Tennis

"Rolan Garros". Ayollar o'rtasidagi juftlik bahslari g'olibalari malum + FOTO

Ikki hafta davomida Franciya poytaxti Parij shahrida o'tkazilgan tennis bo'yicha "Katta Dubulg'a" turkumiga kiruvchi "Rolan Garros" turniri tarix sahifalariga muhrlandi.

Ayollar o'rtasidagi juftlik musobaqasida chexiyalik tennischilar - Barbora Kreychikova va Katerjina Sinyakova bosh sovrin sohibalariga aylanishdi. Ular hal qiluvchi final uchrashuvida amerikalik Betani Mattek-Sends hamda polshalik Iga Svyontek hamkorligidan ustun kelishdi - 6/4, 6/2.

Bir soatu 16 daqiqa davom etgan bahsda Barbora va Katerjina beshta breyk-poyntni amalga oshirishdi va to'p uzatishda sakkiz bor xatoga yo'l qo'yishdi. Bu ikki tennischi faoliyatlarida ikkinchi bor Roland Garros turnirida zafar quchishdi.