09 iyu 08:46
Yangiliklar

Tennis

"Rolan Garros". Birinchi raketka bo'lishi kutilgan Medvedev yutqazib qo'ydi

Franciya poytaxti Parij shahrida tennis bo'yicha "Katta Dubulg'a" turkumiga kiruvchi "Rolan Garros" turniri davom etmoqda.

Kutilmaganda sayyoramizning ikkinchi raketkasi Daniil Medvedev chorak finalda yurishini to'xtatdi. Rossiyalik tennischi chorak final uchrashuvida dunyoning beshinchi raketkasi, greciyalik Stefanos Cicipasga imkoniyatni boy berib qo'ydi - 3/6, 6/7(3), 5/7.

Ikki soatu 18 daqiqa davom etgan bahsda Daniil 5 ta, Stefanos 3 ta eys zarbani amalga oshirdi. Tennischilarning o'zaro uchrashuvlarida hamon Medvedev katta farq bilan oldinda bormoqda - 6:2. Endi Cicipas 1/2 finalda germaniyalik Aleksandr Zverevga qarshi kortga chiqadi.