"Rolan Garros". Emma Radukanu ishtirokini yakunladi

Britaniyalik tennis malikasi ikkinchi davra uchrashuvida WTA reytingida 47-pog'onadan joy olgan belaruslik Aleksandra Sosnovichga 6/3, 1/6, 1/6 hisobida imkoniyatni boy berib qo'ydi. Bir yuz yigirma besh daqiqa davom etgan bahsda 19 yoshli Radukanu 3 ta eys, 2 ta breyk-poynt va 3 ta qo'shxato qayd etdi. 

Tennischilarning o'zaro uchrashuvlaridagi hisob 2:0 ko'rinishiga keldi. Endi 28 yoshli Sosnovich French Open turnirining uchinchi davrasida germaniyalik Anjelik Kerber yoki franciyalik Elza Jakemoga qarshi kortga chiqadi.