“Rolan Garros”. Federer 25-marotaba Vavrinkani mag'lub etdi

Dunyoning uchinchi raketkasi bo'lib turgan 37 yoshli Rojer chorak final uchrashuvida vatandoshi Sten Vavrinkaga qarshi kortga chiqdi. Uch soatu 35 daqiqa davom etgan bahsda Federer reytingning 28-pog'onasidan joy olgan 34 yoshli yurtdoshini mag'lub etdi - 7/6(4), 4/6, 7/6(5), 6/4.

Bu ikki shveycariyalik tennischining o'zaro o'tkazgan 28-uchrashuvi sifatida tarixga kirdi. Ushbu bahslarning 25 tasida Rojer g'alaba qozongan. Endi Federer “Rolan Garros” turnirining yarim finalida musobaqaning amaldagi g'olibi, grunt qiroli Rafael Nadalga qarshi kortga chiqadi.