“Rolan Garros”. Hamyurtimiz asosiy to'r bahsida ham g'alabaga erishdi

Xabar berganimizdek, ushbu nufuzli musobaqada hamyurtimiz Sergey Fomin ham ishtirok etyapti. Fomin musobaqadagi ishtirokini saralash bahslaridan boshladi. U avvaliga yaponiyalik Taisei Ichikavani 3 soatu 7 daqiqa davom etgan uchrashuvda 6/7(4-7), 7/6(7-0), 7/6(7-4) hisobida mag'lub etdi. Keyin esa franciyalik Maksens Bejdan ustun keldi. 

Kecha o'zbekistonlik tennischi asosiy to'rning ilk uchrashuvida chexiyalik Ondrey Stilerga qarshi kortga chiqdi. Bir soatu 55 daqiqa davom etgan bahsda 17 yoshli Fomin 18 yoshli raqibini 6/2, 3/6, 6/4 xisobida engdi. Endi Sergey ikkinchi davrada amerikalik Tristan Boerga qarshi bahs olib boradi. 

Taqqoslash uchun, Fomin o'smirlar (U-18) reytingida 57, Stiler 59, AQSH vakili hisoblangan Boer esa 9-o'rinni egallab turibdi. Fomin - Boer uchrashuvi ertaga, 5 iyun kuni o'tkaziladi. 

SHuningdek, bugun hamyurtimiz juftlik baxslarida xam kurashga kirishadi. Xitoylik Tao Mu bilan juftlik hosil qilgan Fomin argentinalik Dias/Tirante juftligiga qarshi kortga chiqadi. Ushbu uchrashuv bugun Toshkent vaqti bilan soat 20:00da boshlanadi.