07 okt 09:24
Yangiliklar

Tennis

"Rolan Garros". Svitolina 131-raketkaga yutqazib qo'ydi

Franciya poytaxti mezbonligida o'tayotgan tennis bo'yicha "Katta Dubulg'a" turkumiga kiruvchi "Rollan Garros" turniri o'zining hal qiluvchi pallasiga kirdi.

Ayollar o'rtasidagi bahslarda sayyoramizning beshinchi raketkasi Elina Svitolina kutilmaganda 1/4 final uchrashuvida mag'lubiyat alamini totib ko'rdi. Ukrainalik tennis malikasi reytingning 131-pog'onasidan joy olib turgan argentinalik Nadya Podoroshkaga yutqazib qo'ydi - 2/6, 4/6.

Bir soatu 19 daqiqa davom etgan bahsda har ikki tennischi bittadan eys zarbasini amalga oshirishdi. Bu tennischilarning o'zaro o'tkazgan ilk uchrashuvi edi. Endi 23 yoshli Nadya Franciya Ochiq chempionatining yarim finalida polshalik Iga Svyontekka qarshi kortga chiqadi.