28 may 11:06
Yangiliklar

Tennis

Rolan Garros. To'rtinchi raketka g'alaba bilan boshladi

Franciya poytaxti Parij shahrida "Katta Dubulg'a" turkumiga kiruvchi Rolan Garros turniri davom etmoqda.

Dunyoning to'rtinchi raketkasi avstriyalik Dominik Tim ilk davrada ATP reytingida 131-pog'onadan joy olib turgan amerikalik Tommi Polga qarshi kortga chiqdi. Ikki soatu 31 daqiqa davom etgan bahsda Tim 6/4, 4/6, 7/6(5), 6/2 hisobida zafar quchdi.

Endi 25 yoshli Dominik Tim French Open turnirining ikkinchi davrasida qozog'istonlik Aleksandr Bublikka qarshi kortga chiqadi. Bublik birinchi bosqichda germaniyalik Rudolf Myollekerdan ustun keldi - 7/5, 6/7(4), 6/1, 7/6(2).