Rossiyaga nisbatan navbatdagi sankciya: Fristayl bo'yicha Jahon kubogi ham bekor qilindi

26-27 fevral kunlari CHelyabinsk viloyatida bo'lib o'tishi kerak bo'lgan fristayl bo'yicha Jahon kubogi bosqichi xorijlik sportchilarning musobaqada ishtirok etishdan bosh tortgani uchun o'tkazilmaydi.

"CHelyabinsk viloyatiga kelgan sportchilar turnirga tayyorgarlik sifatini yana bir bor yuqori baholab, mamlakatni tark etishga majbur bo'layotganliklari va musobaqalarda ishtirok etmasliklari uchun chuqur afsusda ekanliklarini bildirishdi.

O'z navbatida, CHelyabinsk viloyati Jahon kubogi bosqichi tashkilotchisi sifatida yorqin sport voqeasi bo'lib o'tmasligi haqidagi xabarni afsus va xafsala bilan kutib oldi. Ishonchimiz komilki, sport doimo siyosatdan chetda qolishi kerak. Afsuski, hamma ham bu poziciyani baham ko'rmaydi. Qiziqarli musobaqalar va haqiqiy sport bayramini ko'rishga hozirlik ko'rayotgan muxlislarga hamdardmiz. Xarid qilingan chiptalar uchun pul qaytariladi", - deyiladi tashkilotchilar rasmiy bayonotida.

Eslatib o'tamiz, Rossiyaning Ukraina hududiga bostirib kirishi oqibatida Rossiyada o'tishi rejalashtirilgan ko'plab musobaqalar bekor qilinmoqda.