Ro'ziqul Berdiev 0:3 hisobidagi mag'lubiyatga qanday izoh berdi?

OFK Kubogi-2021 final o'yinidan so'ng matbuot anjumani o'tkazildi. Unda “Nasaf” bosh murabbiyi Ro'ziqul Berdiev ishtirok etdi va quyidagicha fikrlarni bildirdi. 

- Raqibni g'alaba bilan tabriklaymiz. Ular bugun haqli g'alabaga erishdi. Birinchi tezkor gol va ikkinchi o'tkazib yuborilgan gol yakunda o'yin taqdirini hal qildi. Ikkinchi golda jiddiy xatoga yo'l qo'ydik. Futbolchilar bugun issiq havoda biroz charchab qolishdi. Qolaversa, raqib jamoaning muxlislari ham juda yaxshi qo'llab-quvvatlab turishdi. Bu ham ularning g'alabasida muhim omillardan biri bo'ldi. Ikkinchi golga qadar biz hujumlar tashkil qilayotgan edik. Lekin goldan keyin hujum qilishni to'xtatdik. 

Bizning jamoamiz ancha yosh, yigitlarning bu kabi katta finallarda o'ynash tajribalari yo'q. Bugun biz o'yin borishini nazorat qilishga urindik, lekin yakunda mag'lub bo'ldik. 

Yigitlarga ko'rsatgan o'yinlari uchun minnatdorchilik bildiraman, - dedi Ro'ziqul Berdiev.