ROZKda mahalla aholisi ishtirokida shaxmat musobaqasi tashkil etildi

Musobaqa Xalq deputatlari CHilonzor tuman Kengashi deputati, ayni vaqtda Respublika olimpiya zaxiralari kolleji direktori vazifasini bajarib kelayotgan Abror Mamadaliev tashabbusi bilan tashkil etildi.

SHaxmat musobaqasida talim muassasasiga yondosh Lutfiy, “Uchtepa”, “Oqtepa”, shuningdek, CHilonzor tumanining turli mahallalarida istiqomat qiluvchi 30 nafardan ziyod turli yosh toifasiga mansub shaxmatsevarlar ishtirok etishdi.

Olimpiya tizimida o'tkazilgan va murosasiz kechgan bahslar yakuniga ko'ra, 1-o'rinni Lutfiy nomli mahalla fuqarolar yig'ini faoli Dilmurod Rixsiev egalladi. U hal qiluvchi bahsda “Uchtepa” MFY faoli Asad SHokirovga qarshi dona surdi hamda yakunda g'oliblikni qo'lga kiritdi. Kuchli uchlikka “Do'mbirobod” mahallasida istiqomat qiluvchi shaxmat ishqibozi Bahodir Sodiqov yakun yasab berdi.

Bahslar yakunida g'olib va sovrindorlar, shuningdek faol ishtirok etgan shaxmatsevarlar tashkilotchilar tomonidan diplom va estalik sovg'alari bilan taqdirlanishdi.