RSTIAM faoliyatini yanada takomillashtirish bo'yicha yig'ilish o'tkazildi

MOQ raisi Rustam SHoabdurahmonov Markaz direktori Abdushukur Sadikov bilan istiqboldagi rejalarni muhokama qilib oldi. Yig'ilishda MOQ hamda RSTIAMning moliya-iqtisod yo'nalishi bo'yicha mutasaddilari ham ishtirok etishdi. A.Sadikov uchrashuv avvalida Markazning so'nggi yillarda olib borayotgan faoliyati, sportchilar va xalqimiz uchun qanday yo'nalishlarda xizmat ko'rsatayotgani borasida yaqindan malumot berdi. SHundan so'ng MOQ raisi kamchilik va muammolarni bartaraf etish, kelgusida yanada sifatli ishni yo'lga qo'yish bo'yicha ko'rsatmalar berdi.

“Barcha jabha qatori sport tibbiyoti ham rivojlanib bormoqda. Biz ham o'sishda davom etishimiz lozim. Zamonaviy texnikalar, yangicha metodikalar ustida ishlaylik. Aholimiz va sportchilar uchun nima kerakligini o'rganib chiqishimiz kerak. Misol uchun, markazimizning o'zida dorixonaning yo'qligi ham mijozlarimiz uchun biroz noqulaylik tug'diradi. Pandemiya davri boshlangandan beri barcha o'z sog'lig'iga yanada ahamiyatli bo'lishni o'rgandi. Bu erga kelgan odam, barcha masalalariga echim topib ketsa, biz uchun yutuq bo'ladi”, – dedi Rustam SHoabdurahmonov.

Suhbat davomida MOQ rahbariyati tomonidan Markazdagi barcha xodimlarning shtat birligini yaxlitlash, ular oladigan oylik maoshlarni qayta ko'rib chiqish va zarur bo'lsa ko'paytirish, xizmat ko'rsatish sifatini yanada yaxshilash, zarur zamonaviy texnik uskunalarni xarid qilish uchun optimal variantlar yuzasidan taklif kiritish borasida ko'rsatmalar berildi. SHuningdek, farmakologiya bo'yicha yangi metodikalarni o'rganish, sportchilarimiz uchun xorijdan keladigan dori vositalarini o'zimizda ishlab chiqarish bo'yicha Sog'liqni saqlash vazirligi, O'simliklar kimyosi instituti bilan hamkorlikda ishlash, sportchilarimizning salomatligini yanada qattiq nazoratga olish kerakligi takidlandi.