Rublyov Dubay turniri bosh sovriniga ega chiqdi

Hal qiluvchi final bahsida rossiyalik Andrey Rublyov CHexiya vakili Irji Veseliga qarshi kortga chiqdi. Sakson daqiqa davom etgan uchrashuvda sayyoramizning ettinchi rakatekasi raqibini 6:3, 6:4 hisobida taslim etdi va chempionlikni qo'lga kiritdi.

Bu g'alaba orqali Andrey Rublyov 500 reyting ochkosi va 523740 dollarga ega bo'ldi. Irji Veseli chorak finalda dunyoning birinchi raketkasi Novak Jokovichni shov-shuvli tarzda musobaqadan chiqarib yuborgan edi. Aynan o'sha mag'lubiyat sabab Novak uzoq davom etgan reyting peshqadamligini Medvedevga boy berdi.