Ruslan Nurudinov Los-Anjeles-2028 Olimpiadasida ishtirok etadimi? Bunga uning o'zi javob berdi

MOQ matbuot xizmati sportchi bilan kichik suhbat uyushtirdi.

"Professional sport bilan shug'ullanganlar yaxshi biladiki, bu yoshda yuqori sport formaga qaytish juda murakkab. Ustozlarim bilan tinmay mehnat qildik va xudoga shukur yana o'z vaznimda eng kuchli sportchiga aylandim. Orada kichik ko'ngilsizlik ham bo'ldi. Biroq yaqinlarimning qo'llab-quvvatlashi bilan barchasi engib o'tildi".

– Sportchi erishish mumkin bo'lgan barcha natijalaringiz bor. Sizni sportda nima ushlab turibdi?

"Aytganingizdek, kollekciyamda barcha musobaqalarning oltin medallari bor. Bazilarida rekordlar ham o'rnatganman. O'zim o'rnatgan rekordlarni yangilash ichimdagi olovni yoqib, katta motivaciya beradi".

– Bazi sabablar bilan Tokio va Parijdagi Olimpiadalarni o'tkazib yubordingiz. Bu juda katta psixologik qulashga olib kelishi mumkin. Siz o'zingizni ruhan qanday tikladingiz?

"Ochig'i, Parij-2024 yozgi Olimpiya o'yinlarining saralashidan keyin biroz tushkunlik bo'ldi. Nazariy jihatdan bu yilgi Olimpiadada qatnashish imkoniyatim bor edi. Biroq buning uchun -102 kg vazn toifasiga qaytishim talab etilardi. Bu vaznga tushishim uchun ko'p vazn tashlashim kerak edi. Harakat qilib ko'rdim, ammo salomatligim bilan bog'liq muammolar paydo bo'lgani uchun tavakkal qilmadik. Bu ham bir sinov va bundan faqat mehnat orqali muvaffaqiyatli o'ta oldim".

– Los-Anjeles-2028 ga ham tayyorgarlik ko'rasizmi? Ungacha shunday formada etib borishingiz uchun nimalar kerak?

"Albatta, harakat qilib ko'raman. Buning uchun sportga ilmiy jihatdan ko'proq yondashish kerak. Zamonaviy sportda muvaffaqiyatning asosiy kaliti ilm-fan hisoblanadi. Metodika va tibbiyotni uyg'unlashtirib, to'g'ri tayyorgarlik qilishimiz lozim. SHunda muhtaram Prezidentimiz oldimizga qo'ygan Los-Anjeles Olimpiadasida kuchli o'ntalikdan joy olish vazifasini uddalashimiz osonlashadi", dedi Nurudinov.