"Rustam Khasimdjanov Cup 2024" xalqaro turnirida 5-tur ortda qoldi

Kecha musobaqaning ilk kuni grossmeysterlar 5 ta partiyada munosabatlariga oydinlik kiritib olishdi. Kechagi kunning so'nggi 5-turida birinchi raqamli shaxmatchimiz Nodirbek Abdusattorov oq donalarda yana bir iqtidorli grossmeysterimiz Nodirbek Yakubboevni mag'lubiyatga uchratdi. 

Turnir mezboni Rustam Qosimjonov ham oq donalarda o'ynab, ruminiyalik Richard Rapportni taslim etdi. Javohir Sindarov oq donalarda eronlik taniqli grossmeyster Parham Maqsudlu bilan murosaga keldi. SHunga qaramay, Javohir 4 ochko bilan turnir jadvalida yakka peshqadam bo'lib turibdi. Nodirbek Abdusattorov va Rustam Qosimjonov 3,5 ochko bilan kuchli uchlikka yakun yasagan.    

Musobaqa ishtirokchilari: Nodirbek Abdusattorov (O'zbekiston), Javohir Sindarov (O'zbekiston), Nodirbek Yakubboev (O'zbekiston), SHamsiddin Vohidov (O'zbekiston), Jahongir Vahidov (O'zbekiston), Rustam Qosimjonov (O'zbekiston), Parham Maqsudlu (Eron), SHahriyar Mamedyarov (Ozarbayjon), Aleksandr Grishuk (Rossiya), Richard Rapport (Belgiya)