Rustam SHoabdurahmonov: “Davlat ajratayotgan pullarni maqsadli sarflashimiz lozim”

Mazkur uchrashuvni MOQ prezidenti Rustam SHoabdurahmonov olib bordi. Takidlash joiz, mazkur yig'ilish tanqidiy ruhda o'tib, bazi federaciyalarning moddiy-texnik bazasi va sportchilarning shug'ullanidigan joylari talab darajasida emasligi haqida keskin fikrlar ham bildirib o'tildi.

“Davlatimiz Tokio Olimpiadasiga olib borilayotgan tayyorgarlikni qo'llab-quvvatlamoqda va bu borada katta mablag' ajratmoqda. MOQdan tortib, har bir federaciyaga masul tashkilotlar biriktirib berilgan. Lekin hamma federaciyada ham sportchilar uchun yaxshi sharoit yaratib berilmagan, hamma ham sportchilarning oilasidan, ijtimoiy ahvolidan xabar olmayapti. O'quv-yig'in mashg'ulotlarini moliyalashtirishda muammo bo'lmayapti degani istalgan joyga borib, xohlagancha aylanib kelishni anglatmaydi. Davlat ajratayotgan pullarni maqsadli sarflashimiz lozim”, – dedi Rustam SHoabdurahmonov.

Uchrashuv davomida kelasi yil Olimpiadagacha bo'lgan davr mobaynida federaciyalarni moliyalashtirish uchun ketadigan sarf-harajatlar smetasini qayta ko'rib chiqish va uni mukammallashtirish bo'yicha muhokama olib borildi. SHuningdek, MOQ rahbari federaciyalarga biriktirilgan mutasaddilarga sportchilarning mashg'ulotlarini, sharoitlarini yanada chuqurroq o'rganish bo'yicha qo'shimcha topshiriqlar berdi.