11 jan 09:11
Yangiliklar

Tennis

Sabina SHaripova Australian Open turnirida kortga chiqdi

Melburn shahrida “Katta Dubulg'a” turkumiga kiruvchi Avstraliya Ochiq chempionatining saralash bahslari boshlandi.

Ushbu musobaqada hamyurtimiz Sabina SHaripova ham ishtirok etyapti. Mamlakatimizning birinchi raketkasi saralashning ilk davrasida rossiyalik Evgeniya Rodinaga qarshi kortga chiqdi. Rodina saralashning ikkinchi raqamli tennischi hisoblanadi.

Bungacha tennischilar o'zaro bir marotaba to'qnash kelishgandi. 2017 yilning 7 noyabr kuni bo'lib o'tgan o'yinda tennischimiz raqibiga 1:2 hisobida yutqazib qo'ygandi. Bir soatu 19 daqiqa davom etgan bu safargi uchrashuvda ham Rodina 6:3, 6:4 hisobida g'alaba qozondi.

Taqqoslash uchun, Sabina SHaripova dunyo reytingida bugungi kunda 176-o'rinni egallab turibdi. Evgeniya Rodina esa 114-pog'onadan joy olgan.