13 okt 12:07
Yangiliklar

Tennis

Sabina va Nigina Kreml kubogida, bugun ularga muxlislik qilamiz

Bugun Rossiya Federaciyasi poytaxti Moskva shahrida tennis bo'yicha WTA Premier tasnifiga kiruvchi nufuzli turnirning saralash bahslari boshlanadi.

Sovrin jamg'armasi 932 866 AQSH dollarini tashkil etuvchi Kreml kubogida ikki hamyurtimiz - Sabina SHaripova hamda Nigina Abduraimova ham ishtirok etadi. Har ikkala tennischimiz ham bugun saralash bahsida kortga chiqadi.

Qura natijasiga ko'ra, mamlakatimizning birinchi raketkasi bo'lib tugan SHaripova isroillik 23 yoshli Deniz Xazanyuk bilan to'qnash keladi. Sabina WTA reytingida 135, Deniz 210-o'rini egallab turibdi. Bu uchrashuv bizning vaqt bilan soat 16:30da boshlanadi.

Nigina Abduraimova esa dastlabki davrada WTA reytingida 121-o'rinda borayotgan germaniyalik 30 yoshli Laura Zigemundga qarshi kortga chiqadi. Vakilamiz esa reytingning roppa-rosa 400-pog'onasidan joy olgan. Bu bahs 19:30dan oldinroq bo'lmagan vaqtda boshlanadi.