Sablyachi yigitlarimiz ham, qizlarimiz ham Jahon chempionatining jamoaviy dasturida bronza medallariga ega chiqishdi

Ahamiyatlisi, musobaqaning bugungi kuni biz uchun anchayin omadli o'tdi. Kun davomida sablya yo'nalishi bo'yicha yoshlar (yigitlar va qizlar) o'rtasidagi jamoaviy dastur bellashuvlari tashkil etildi.

Samira SHokirova, Fernanda Errera, Ayako'z Jumamuratova hamda Gulistan Perdebaevadan iborat qizlar jamoamiz 33 ta terma jamoa orasida uchinchi natijani qayd etib, bronza medalini qo'lga kiritdi. Oltin medallar AQSH qizlariga nasib etgan bo'lsa, franciyalik sablyachilar ikkinchi bo'ldi.

Yigitlar o'rtasidagi bellashuvlarda esa Zuxriddin Qodirov, Islom Abdazov, Musa Aymuratov va Sardor Abdukarimbekov yurtimiz sharafini himoya qildi. Quvonarlisi, yigitlarimiz ham o'z bahslarida qizlar singari bronza medallarini qo'lga kiritdi. 

Qizig'i, bu dasturda ham AQSH termasi birinchi o'rinni hech kimga bermadi. Kumush medallar esa Italiya terma jamoasi azolariniki bo'ldi. Musobaqa davom etmoqda.