Samarqandda bo'lib o'tgan ommaviy yurishda 25 000 kishi qatnashdi

Aholi o'rtasida sportning ommaviyligini oshirish va sog'lom turmush tarzini targ'ib etish maqsadida tashkil etilgan tadbirga viloyat hokimi Erkinjon Turdimov boshchilik qildi. Ommaviy tadbirda viloyatdagi barcha boshqarma va idoralar rahbarlari, xodimlar, nuroniylar va yoshlar – jami 25 mingdan ortiq samarqandliklar ishtirok etishdi.

Qatnashchilar viloyat musiqali drama teatri oldidan Universitet xiyoboni va Registon ko'chasi bo'ylab harakatlanishdi. SHundan so'ng ishtirokchilar Registon maydonida musiqa sadolari ostida ertalabki badantarbiya mashqlarini bajarishdi.

Ushbu tadbir Prezidentimizning 2018 yil 18 dekabrdagi “Yuqumli bo'lmagan kasalliklar profilaktikasi, sog'lom turmush tarzini qo'llab-quvvatlash va aholini jismoniy faolligi darajasini oshirish chora-tadbirlari to'g'risida”gi qarori hamda joriy yilning 19 mart va 3 aprel kunlari Davlatimiz rahbari raisligida o'tkazilgan yoshlar talim-tarbiyasi uchun qo'shimcha sharoitlar yaratish, xotin-qizlar bandligini oshirishga qaratilgan kompleks chora-tadbirlarni o'z ichiga olgan 5 ta tashabbusni amaliyotga joriy etish masalalari bo'yicha yig'ilishda belgilab berilgan vazifalarning ijrosini taminlash maqsadida tashkil etishdi.