Sanjar Fayziev va yana 2 nafar tennischimiz Qozog'istonda kortga chiqdi

Bugun tennischimiz Mark Tryakshin italiyalik tennischi Antonio Kampoga qarshi o'yin o'tkazdi. 1 soatu 48 daqiqa davom etgan uchrashuvda afsuski, Tryakshin 3/6, 6/2, 2/6 hisobida mag'lubiyatga uchrab, musobaqani tark etdi.

Biroz avval Sanjar Fayziev musobaqa doirasidagi 1/16 final o'yinida rossiyalik Jek Gibbensga qarshi kortga chiqdi. 1 soatu 13 daqiqa davom etgan uchrashuvda Fayziev 6/2, 6/1 hisobida g'alaba qozonib, 1/8 final bosqichiga yo'l oldi. Uning 1/8 finaldagi raqibi bugun Tryakshinni mag'lub etgan italiyalik Antonio Kampo bo'ladi.

Musobaqada yana bir tennischimiz Sunatella Qutibaev rossiyalik Nikita Kashirin qarshi bahs olib bordi. 1 soatu 27 daqiqa davom etgan uchrashuvda Qutibaev 6/3, 7/6 hisobida g'alaba qozonib, keyingi bosqichga chiqdi.

Avvalroq, Jo'rabek Karimov ham musobaqani g'alaba bilan boshlagani haqida xabar qilgandik.