Saralashda mag'lub bo'lgan Istomin omad sabab asosiy to'rga yo'l oldi

Ushbu turnirda hamyurtimiz Denis Istomin ham ishtirok etyapti. Mamlakatimizning birinchi raketkasi saralash bahslarining 1/2 finalida ispaniyalik taniqli tennischi Gilermo Garsiya-Lopesni 7:5, 6:2 hisobida mag'lubiyatga uchratgandi. 

Ammo Istomin asosiy to'rga yo'llanma beruvchi uchrashuvda amerikalik Noy Rubinga imkoniyatni boy berib qo'ygandi - 4:6, 6:3, 6:7(6). SHunga qaramay, Denis baribir asosiy to'rda qatnashadigan bo'ldi. 

Turnir tashkilotchilari Istominga LL-Laki Luzer, yani baxtli yutqazgan tennischi uchun atalgan asosiy to'r chiptasini taqdim etishdi. Denis birinchi davrada musobaqaning ikkinchi saralangan tennischisi, kanadalik Milosh Raonichga qarshi kortga chiqadi.