Sebastyan Baes bosh sovrinni Argentinada olib qoldi

Hal qiluvchi final uchrashuvida ATP reytingida 124-pog'onadan joy olib turgan argentinalik Sebastyan Baes dunyoning 92-raketkasi, braziliyalik Tyago Monteyroni ortiqcha qiyinchiliksiz mag'lub etdi - 6/4, 6/0.

Bir soatu 17 daqiqa davom etgan uchrashuvda Sebastyan 5 ta, Tyago esa bitta eys zarbasini ijro etdi. Bu tennischilarning o'zaro o'tkazgan ilk uchrashuvi bo'ldi. Baes uydagi muvaffaqiyatli ishtirokidan 7,200 dollar mukofot puli hamda 80 reyting ochkosi ishlab oldi.