Sergey Fomin chorak final ostonasida to'xtatildi

Musobaqada hamyurtimiz Sergey Fomin ham o'z omadini sinab ko'rdi. Mamlakatimizning ikkinchi raketkasi 2 soatu 44 daqiqa davom etgan 1/16 final bahsida rossiyalik Iliya Simakinni 7/6(4), 4/6, 6/3 hisobida mag'lubiyatga uchratgandi.

Afsuski, u 92 daqiqa davom etgan 1/8 final uchrashuvida britaniyalik Ryan Penistonga 2/6, 4/6 hisobida imkoniyatni boy berib, musobaqadagi ishtirokini yakunladi. Simakin ATP reytingida 359, Fomin 532, Peniston esa 598-pog'onadan joy olgan.