16 iyu 16:14
Yangiliklar
Tennis
Sergey Fomin Qozog'iston turniri finalida!
Qozog'istonning Nur-Sulton shahrida bo'lib o'tayotgan tennis bo'yicha ITF tasnifiga kiruvchi turnir yakuniy pallaga kirdi.
Bugun turnirning yarim final bahslari o'tkazilib, final ishtirokchilari aniqlandi. Quvonarlisi, ushbu musobaqada muvaffaqiyatli ishtirok etayotgan tennischimiz Sergey Fomin final yo'llanmasini qo'lga kiritdi.
Biroz avval yakunlangan yarim final uchrashuvida Fomin rossiyalik Konstantin Kravchukka qarshi kortga chiqdi va raqibini 6/4, 6/1 hisobida mag'lub etib, finalga yo'l oldi.
Bosh sovrin uchun bo'lib o'tadigan bahsda hamyurtimizga mezbonlar vakili Beybit Jukaev raqiblik qiladi. Final bahsi ertaga bo'lib o'tadi.
Malumot uchun, Fomin ayni vaqtda ATR reytingida 408, Jukaev esa 473-o'rinni egallab turibdi.
Havola :
Manba : olamsport.com
Fikrlar