Sergey Fomin - Qozog'istondagi "CHellenjer" turniri chempioni

Tennischimiz finalda niderlandiyalik Robin Xaasga qarshi o'yin o'tkazdi. 1 soat 36 daqiqa davom etgan o'yinda Fomin raqibini 7:6, 6:3 hisobida mag'lubiyatga uchratdi va musobaqa chempioniga aylandi. 

Qayd etish lozimki, Fomin ayni paytda jahon reytingida 838-o'rinni egallab turibdi. Ushbu g'alabadan so'ng Fomin o'z hisobiga 80 reyting ochkosini qo'shib qo'ydi. Bu orqali tennischimiz dushanba kuni elon qilinadigan reytingda yaxshigina ko'tarilishga erishadi. 

Eslatib o'tamiz, Fomin musobaqani saralash bosqichidan boshlagandi.