Sergey Fomin Saarluisda 1/4 finalga chiqdi

Mukofot jamg'armasi 15 000 AQSH dollarini tashkil etuvchi musobaqada hamyurtimiz Sergey Fomin ham o'z imkoniyatini sinovdan o'tkazyapti. Mamlakatimizning ikkinchi raketkasi turnirning 1/4 finaliga yo'l oldi. 

Fomin ilk davrada amerikalik Feliks Korvinni ortiqcha qiyinchiliksiz mag'lub etgan edi - 6/1, 6/1. Sergey ATP reytingida 634, Feliks esa 673-o'rindan joy olgan. Sergey 104 daqiqa davom etgan 1/8 final bahsida reytingning 1460-pog'onasida borayotgan avstriyalik Peter Goldsteynerdan 6/4, 6/2 hisobida ustun keldi. 

Saarluis turnirida sakkizinchi raqam ostida saralangan hamyurtimiz bugun yarim final yo'llanmasi uchun germaniyalik Mika Lippga qarshi kortga chiqadi. Lipp ATP reytingida 1665-o'rindan joy olgan. Ushbu bahs bizning vaqt bilan soat 21:00da boshlanadi.