Sexudo jarohat oldi, u avgustda Veraga qarshi jang qila olmaydi

19 avgust kuniga rejalashtirilgan jang bekor qilindi. 

"Kelajagim borasida bir necha muhim yangiliklar. Afsuski 19 avgust kungi UFC turnirida jang qila olmayman. O'ng elkamni MRT qildirdim va bu 6-8 haftalik tiklanish kerakligini ko'rsatdi.

Men bu qarorni imkon qadar uzoqroqqa cho'zdim, chunki CHitoga qarshi jang qilish g'oyasi yoqayotgan edi. Elkam va 25 oktyabrda tug'iladigan farzandim uchun eng yaxshi qaror - avgust oyida jang qilmaslik edi. 

Maqsadlarim o'zgarmaydi. Men kamarimni qaytib olmoqchiman. 100 foiz tiklanganimda meni yana oktagonda ko'rasiz. Ammo ungacha men davolanishim kerak. Umid qilamanki, UFC CHito kardda qolishi uchun unga boshqa raqib topib berishadi. Men u bilan Bostonda jang qilishni judayam istagandim. Ammo men qaytaman", - deb yozdi Sexudo ijtimoiy tarmoqdagi sahifasida.