SHarjada shaxmat bo'yicha “Masters” turniri yakunlandi, hamyurtimiz kuchli o'nlikda!

Musobaqaning so'nggi 9-tur o'yinlari vakillarimiz uchun o'rtacha kechdi, yani bittadan g'alaba, durang va mag'lubiyat.

Hamyurtlarimizning yagona g'alabasini Javohir Sindarov qayd etdi. U oq donalarda greciyalik xalqaro grossmeyster Dimitrios Mastrovasilisni mag'lubiyatga uchratdi va xalqaro turnirni 5,5 ochko bilan yakunladi.

Nodirbek Abdusattorov esa musobaqa mezboni Salim Solihga imkoniyatni boy berdi va bu shaxmatchimiz ham musobaqadagi ishtirokini 5,5 ochko bilan tugatdi.

SHaxmatchilarimiz orasida eng yaxshi natija qayd etgan Nodirek Yoqubboev esa 9-turda Eron vakili, yakunda xalqaro turnir g'olibiga aylangan Muhammad Amin Tabatabayiga qarshi oq donalarda harakat qildi va durangga erishdi. Bu natija orqali o'z ochkolari sonini 6taga etkazib olgan Xorazm farzandi “SHarja Masters” xalqaro turnirda 8-o'rinni egalladi.